澄澄故事台-一週年答謝文章
今日係2020年3月16日，係澄澄故事台成立一週年，首先好多謝各位鼎力支持。從開站到而家都有唔同類型嘅故事，例如搞笑嘅《106與她的邂逅》 ，傷心嘅《明戀暗愛補習社》 ，同埋而家連載緊嘅愛情故事《夾出一個她》 。除咗連載故事之外，亦都有非故事類型嘅短文，就好似學生會選舉同埋作家分享筆錄等等。
-
以下落嚟會介紹澄澄故事台嘅助手-Rachel，佢主要係負責文字校對同埋美術。文字校對嘅工作就係發佈文章前檢查有冇錯別字，而美術嘅工作則負責圖片設計。就好似澄澄故事台嘅之前長輩圖就佢由佢設計。Rachel可以話係澄澄故事台嘅開國功臣。同時，佢亦都係《106與她的邂逅》作者之一，所以冇佢嘅鼎力協助，或許就冇澄澄故事台嘅出現。Rachel文筆精湛，而家連載緊嘅《共的迫奶》都係出自佢嘅手筆，所以請大家多多支持Rachel。
-
睇咗呢個故事台一年，你可能會問點解一個男仔會用啲咁女仔嘅名「澄澄」？
-
其實「澄澄」呢個名係我以前有個教我通識嘅老師幫我改嘅，而之後有好多同學都用呢個名嚟叫我，所以「澄澄」就成為我嘅筆名喇！
-
嚟緊呢一年，我會繼續寫唔同類型嘅故事，不論好睇嘅、唔好睇嘅都俾個like支持下。你哋每一個like都係對我嘅支持同埋鼓勵。最後再次請大家繼續支持澄澄故事台。
-
（524字）
發佈日期：2020/03/16
