澄澄故事台-三週年答謝文章
《文字有價》
「你睇下IG,啲KOL求其影張相賣弄性感,出幾隻字已經又多like,又多廣告。你睇下你,寫咗三年文有咩得著?」-
每次聽到呢啲說話,內心都係戚戚然,好慨嘆而家速食年代,大部分人都係睇圖片決定一切,仲邊有人會咁細心睇下面嘅caption,就算係一個靚女出post,究竟有幾多個會專心睇下面嘅文字,係睇都沉迷靚女個樣,甚或已經瘋狂J緊女仔嘅身材。
-
下面嘅文字caption就像一顆洋蔥,永遠是配角戲,有同冇都無所謂,都冇人睇嘅,睇圖咪得囉!
------
「人哋對住鏡頭笑,已經賺到fat fat;你對住keyboard苦笑,為乜?」
-
回想三年前開設故事台嘅初心,就係滿足自己寫文嘅興趣,自己不斷諗咗唔同有趣嘅topic,用自己獨特嘅表達手法描述,成為一個故事。
-
到讀者越嚟越多,亦都收到好多正面嘅評價,我發覺自己開始有種使命,我要寫正字,捍衛我城嘅文字、捍衛我城嘅語言。由嗰刻開始,文章所有字都變咗用「正字」寫文,所有5P字、所有「匪語」,一律再冇喺故事台出現,都唔再出現喺大家嘅眼前。每次出文之前都會檢查,確保唔會有一啲唔屬於香港本土嘅字體出現。
-
堅持「正字」成為故事台嘅宗旨、堅持用「口語」寫文,都成為故事台嘅主要方向。就算讀者圈唔可以廣泛咁去到其他中文地區,但讀者少又點?至少我堅持到自己信念。
-
曾經有讀者同我講:因為睇我啲文,而鼓起佢對創作嘅熱誠。我就知道,假設呢位讀者學咗我啲錯字,而繼續出文,成個錯字風氣就會不斷流傳。倒返轉,我寫正字同時都可以感染唔同人去寫正字,咁樣唔係仲好咩?
------
短短嘅偽Q&A去到呢度,講咗咁耐,究竟我想講乜㗎?心水清嘅讀者都知,今日係澄澄故事台三週年。
-
經營咗澄澄故事台三年,經常性俾人問,到底寫網絡小說有冇錢賺㗎?
-
我可以答你,寫咗三年,無人問津嘅文章所得款項,連搭單程過海巴士都唔得。天星小輪都可以搭三次嘅。你話我呢啲無人知曉嘅作者,點可以靠作文搵到食啊!
-
但唔緊要,最緊要大家都繼續鍾意我嘅作品,每集出咗之後都會好快就撳like支持,又或者會搵我討論劇情。即使IG啲like數少,唔緊要。我成日都講:讀者唔需要多,有三五個真心讀者已經好足夠。讀者嚟得快,去都會快,真心讀者無論點樣風吹草動都吹唔走,其實有你哋呢班讀者長期支持,我真係好感謝你哋。
-
喺度賣個廣告先,星期日推出嘅澄澄故事台-會員計劃,會有一個感謝福利送俾一班長期支持嘅讀者,大家密切留意。
------
多謝各位讀者嘅同時,都要感謝一個故事台好重要嘅人,佢就係文字編輯 @hihi__public ,佢真係幫咗故事台好多手,由2020年8月開始,所有連載文章,都由佢幫手做文字編輯,執咗唔少語病、執咗唔少錯字,亦都會同我討論劇情。
-
我好想藉住故事台三週年,衷心多謝HiHi冇間斷嘅付出,佢從來冇要求要報酬,睇咁多文從來都冇任何一句怨言,從來唔會甩底,永遠做澄澄故事台最強嘅後盾,佢亦都理解正字同標點嘅重要性,執我錯字嘅時候,唔會自己加錯字或者唔啱規格嘅標點,完全做到我要嘅要求。唔係好似其他人為加名而加名,連最基本對標點嘅執著都冇,呢啲咪就係大家對作品嘅執著,唔係為咗抄人而抄,唔係為咗跟人而跟。
-
當然仲有其他編輯朋友喺我最需要嘅時候,永遠做我嘅支處,支持我做嘅每一個決定。疫情過後,我一定會相約各位編輯朋友相聚,請大家食鮑翅肚就唔得喇,但正正式式請你哋食餐飯、去遠足露營當然就冇問題啦!
------
回顧上一年,其實出文量真係少咗好多,但唔緊要,重質不重量。文章嘅質素永遠都係要達到自己要求先會出,唔會為咗應付個量,而格硬拼湊一啲垃圾成為文章,問心自己任何一篇作品都係對得住自己、對得住用「澄澄故事台」呢個名。
-
隨著故事台三週年,一連串嘅慶祝活動都會有,包括:《前度超渡師》-線上投稿活動、開設會員計劃、澄澄故事台-第一首改詞歌《單身的人坐返低》,當然有新嘢到,同時都有舊嘢會離去……
-
澄澄故事台第一個「產物」-網站專頁,將會喺2022年3月16號起停止更新,始終營運網站需要投放大量心機,每集嘅連載更新都需要重新編寫網頁封面、同埋更改唔同嘅設定,為讀者發佈最新嘅資訊。奈何網站長期人流唔多,瀏覽量每月長期處於個位數,而且網頁頁面隨著唔同故事嘅連載,創立唔同嘅頁面,再配合高清嘅封面圖片,開始應付唔到龐大嘅容量,近期登入網站後台亦都多次遇到阻滯,甚或會遇到一系列嘅Bugs,無奈之下都會暫停更新網站。
-
而舊網站唔會delete,取而代之係提供連結前往不同的連載平台,以及快捷鍵連結「離線閱讀故事」頁面,希望各位讀者體諒同理解呢個決定。
-
文字到底有冇價值,視乎你點諗。無論如果,懇請大家都繼續支持澄澄故事台。
-
「在壞時代,展開我們的故事」
-
澄澄上
2022/03/16
-
(1893字)
發佈日期:2022/03/16
「你睇下IG,啲KOL求其影張相賣弄性感,出幾隻字已經又多like,又多廣告。你睇下你,寫咗三年文有咩得著?」-
每次聽到呢啲說話,內心都係戚戚然,好慨嘆而家速食年代,大部分人都係睇圖片決定一切,仲邊有人會咁細心睇下面嘅caption,就算係一個靚女出post,究竟有幾多個會專心睇下面嘅文字,係睇都沉迷靚女個樣,甚或已經瘋狂J緊女仔嘅身材。
-
下面嘅文字caption就像一顆洋蔥,永遠是配角戲,有同冇都無所謂,都冇人睇嘅,睇圖咪得囉!
------
「人哋對住鏡頭笑,已經賺到fat fat;你對住keyboard苦笑,為乜?」
-
回想三年前開設故事台嘅初心,就係滿足自己寫文嘅興趣,自己不斷諗咗唔同有趣嘅topic,用自己獨特嘅表達手法描述,成為一個故事。
-
到讀者越嚟越多,亦都收到好多正面嘅評價,我發覺自己開始有種使命,我要寫正字,捍衛我城嘅文字、捍衛我城嘅語言。由嗰刻開始,文章所有字都變咗用「正字」寫文,所有5P字、所有「匪語」,一律再冇喺故事台出現,都唔再出現喺大家嘅眼前。每次出文之前都會檢查,確保唔會有一啲唔屬於香港本土嘅字體出現。
-
堅持「正字」成為故事台嘅宗旨、堅持用「口語」寫文,都成為故事台嘅主要方向。就算讀者圈唔可以廣泛咁去到其他中文地區,但讀者少又點?至少我堅持到自己信念。
-
曾經有讀者同我講:因為睇我啲文,而鼓起佢對創作嘅熱誠。我就知道,假設呢位讀者學咗我啲錯字,而繼續出文,成個錯字風氣就會不斷流傳。倒返轉,我寫正字同時都可以感染唔同人去寫正字,咁樣唔係仲好咩?
------
短短嘅偽Q&A去到呢度,講咗咁耐,究竟我想講乜㗎?心水清嘅讀者都知,今日係澄澄故事台三週年。
-
經營咗澄澄故事台三年,經常性俾人問,到底寫網絡小說有冇錢賺㗎?
-
我可以答你,寫咗三年,無人問津嘅文章所得款項,連搭單程過海巴士都唔得。天星小輪都可以搭三次嘅。你話我呢啲無人知曉嘅作者,點可以靠作文搵到食啊!
-
但唔緊要,最緊要大家都繼續鍾意我嘅作品,每集出咗之後都會好快就撳like支持,又或者會搵我討論劇情。即使IG啲like數少,唔緊要。我成日都講:讀者唔需要多,有三五個真心讀者已經好足夠。讀者嚟得快,去都會快,真心讀者無論點樣風吹草動都吹唔走,其實有你哋呢班讀者長期支持,我真係好感謝你哋。
-
喺度賣個廣告先,星期日推出嘅澄澄故事台-會員計劃,會有一個感謝福利送俾一班長期支持嘅讀者,大家密切留意。
------
多謝各位讀者嘅同時,都要感謝一個故事台好重要嘅人,佢就係文字編輯 @hihi__public ,佢真係幫咗故事台好多手,由2020年8月開始,所有連載文章,都由佢幫手做文字編輯,執咗唔少語病、執咗唔少錯字,亦都會同我討論劇情。
-
我好想藉住故事台三週年,衷心多謝HiHi冇間斷嘅付出,佢從來冇要求要報酬,睇咁多文從來都冇任何一句怨言,從來唔會甩底,永遠做澄澄故事台最強嘅後盾,佢亦都理解正字同標點嘅重要性,執我錯字嘅時候,唔會自己加錯字或者唔啱規格嘅標點,完全做到我要嘅要求。唔係好似其他人為加名而加名,連最基本對標點嘅執著都冇,呢啲咪就係大家對作品嘅執著,唔係為咗抄人而抄,唔係為咗跟人而跟。
-
當然仲有其他編輯朋友喺我最需要嘅時候,永遠做我嘅支處,支持我做嘅每一個決定。疫情過後,我一定會相約各位編輯朋友相聚,請大家食鮑翅肚就唔得喇,但正正式式請你哋食餐飯、去遠足露營當然就冇問題啦!
------
回顧上一年,其實出文量真係少咗好多,但唔緊要,重質不重量。文章嘅質素永遠都係要達到自己要求先會出,唔會為咗應付個量,而格硬拼湊一啲垃圾成為文章,問心自己任何一篇作品都係對得住自己、對得住用「澄澄故事台」呢個名。
-
隨著故事台三週年,一連串嘅慶祝活動都會有,包括:《前度超渡師》-線上投稿活動、開設會員計劃、澄澄故事台-第一首改詞歌《單身的人坐返低》,當然有新嘢到,同時都有舊嘢會離去……
-
澄澄故事台第一個「產物」-網站專頁,將會喺2022年3月16號起停止更新,始終營運網站需要投放大量心機,每集嘅連載更新都需要重新編寫網頁封面、同埋更改唔同嘅設定,為讀者發佈最新嘅資訊。奈何網站長期人流唔多,瀏覽量每月長期處於個位數,而且網頁頁面隨著唔同故事嘅連載,創立唔同嘅頁面,再配合高清嘅封面圖片,開始應付唔到龐大嘅容量,近期登入網站後台亦都多次遇到阻滯,甚或會遇到一系列嘅Bugs,無奈之下都會暫停更新網站。
-
而舊網站唔會delete,取而代之係提供連結前往不同的連載平台,以及快捷鍵連結「離線閱讀故事」頁面,希望各位讀者體諒同理解呢個決定。
-
文字到底有冇價值,視乎你點諗。無論如果,懇請大家都繼續支持澄澄故事台。
-
「在壞時代,展開我們的故事」
-
澄澄上
2022/03/16
-
(1893字)
發佈日期:2022/03/16