《前度超渡師》第二十四集-忘不了的妳（四）
「講埋下次幾時喇！費事你又突然要返去英國啊！」話晒阿嘈到咗香港冇耐，但我都唔知佢幾時返返去英國。去到最後失去咗先學識珍惜就唔好啦！
-
我同大家講，今次同阿嘈嘅相遇我唔會再放手㗎喇！即使要我拋棄所有嘢，我都願意。
-
「就聽晚接你收工，直接去食晚飯。」爽快嘅阿嘈同以前一樣，今日嘅活動都未完就約下次。
-
［分分鐘都渴望與他相見，在路上碰著亦樂上幾天，輕快的感覺飄上面。］初戀啊！我要初戀啊！
-
「你返到嚟香港冇約朋友咩？」雖然我唔知佢仲有冇同以前嘅中學同學聯絡，始終我印象佢以前喺學校都有好多朋友，但隔咗咁多年真係唔知有冇再聯絡喇！
-
「有啊！嗰個咪係你囉！」細問之下，原來阿嘈都漸漸冇同以前嘅中學同學聯絡，甚至連返嚟香港都冇通知任何同學，包括我在內。
-
「咁你冇諗住約返佢哋食飯咩？」雖然我都好少見班同學，但間唔中都會約出嚟食飯，聚一聚舊。
-
「都有諗住啊！但我咁多年冇見佢哋，都唔知講咩好，我驚尷尬啊！」阿嘈都啱嘅，咁耐冇見個氣氛真係會有啲尷。
-
「唔緊要喎，有我呢個稱職男朋友喺度呀嘛。」哎吔，口快快講咗自己啲心底話㖭。
-
「邊個話你係我嘅男朋友啊！」阿嘈塊臉紅過關公，睇嚟仲對我有意思啩，我諗。
-
「其實認真嗰句，我哋以前都冇話分手。」嗱！如果有睇開嘅都知，我哋以前真係冇講到分手，係大家越嚟越忙碌先靜靜分開。
-
「咁我哋拍拖嘅時候你又搵第二個。」又被阿嘈突破盲腸，雖然我哋冇正式講分手，但名義上我哋都算分手，始終當時大家都冇心再維持呢段關係。
-
「不過唔緊要嘅，你之後啲女仔都追唔到，都唔計嘅。」阿嘈即刻補返呢句，驚我唔開心。
-
阿嘈之後嘅女仔，都冇一個係成功一齊嘅，但咁樣又算唔算一腳踏兩船呢？另一邊喺英國嘅阿嘈，斷斷續續都有同幾個男仔拍拖，咁又點計先？所以女人真係係雙重標準，寬己嚴人。
-
「大家都有大家嘅過去，而家開始專一就得啦！」同大家講清楚先，我真係唔係賤男，亦都唔係網絡詞語所稱嘅「狗公」，而我呢刻真係仲愛阿嘈。
-
你唔好問隔咗咁多年唔見又點會再鍾意，中間又隔咗一段時間，又對其他人產生愛意，究竟係咪想呃阿嘈。
-
我話俾你聽一定唔係，如果我要呃嘅，一早呃咗啦！其實我不溜都有佢嘅聯絡方式，何必要佢舟車勞頓去掘返我出嚟呢？
-
初戀嘅回憶永遠都係最難磨滅，亦都係最值得回味。我到呢刻終於都明白箇中美妙，之後嘅好多任都會以前度作為標準，例如行為性格要相似，個人三觀要接近，當然個樣都要有返咁上下靚。
-
不過呢啲都係第一次拍拖都想要嘅要求，永遠都想搵一個識合自己條件嘅另一半，但隨著拍拖次數越多，對另一半嘅要求都越嚟越低，甚至同當初嘅條件背道而馳。老老實實，你要有咁多嘅要求，但自己嘅質素當然都要有返咁上下先得啦，唔係人哋都唔show你啦，「癩蛤蟆想食天鵝肉」，個個都想，但冇人可以，世上到底真係咁樣食到啊！我相信唔係好多，除非隻癩蛤蟆真係好有才華或者好有錢啦！
-
然而我嘅初戀又好，又啱自己嘅條件，唔通又放手咩？我就唔會蠢到唔要喇！
------
「你以前啲男朋友又點計呢？」十萬個激嬲女朋友嘅理由，呢個應該係第一個理由。
-
「你會唔會呷醋㗎？」雖然聽到阿嘈同前度嘅經歷難免會有丁點傷心，但我都係有啲想知。
-
「唔會，每個人都會有過去，知道咪算囉！」你話介意就真係唔太介意，佢都肯講自己嘅過去，我嬲或者呷醋又為何呢？
-
「去到海濱吹住海風再同你講。」又喺度吊我胃口，好彩過條馬路就到文化中心，換言之過咗對面就係海濱。
-
自從阿嘈離開咗香港之後，我亦都好耐冇踏足過尖沙嘴海濱，原來星光大道自從改建之後都冇再入去，海濱多咗好多新位望海，望住燈光璀璨嘅景色，真係好賞心悅目。
-
個人認為夜景好睇過日景，雖然而家唔係聖誕節，但談心永遠都係夜晚最好睇、最舒服。
-
「好靚，真係好靚。」我望住個海不禁嘆息。
-
「我不溜都咁靚，唔使咁讚我。」阿嘈沾沾自喜，但我實則上讚嘆嘅係海景耀目嘅景色。
-
「冇人讚你啊！慳啲啦！」真心唔真心就好主觀嘅，當然我就唔話俾你知。
-
「文杰啊！講我以前啲嘢之前，我有個秘密想同你講，不過你要應承我，你聽完之後唔好嬲我。」突然又有咩秘密要同我分享呢？有啲期待㖭。
-
「放心啦，難得見返你，我點都唔會嬲。」即使佢同我講而家要走，我都唔會嬲，因為我已經唔再係以前年少無知嘅少年。
-
「應承我？」阿嘈對我嘅承諾半信半疑。
-
「應承你！」不過我會用我嘅行動證明我嘅諾言。
-
「其實我今次返嚟香港一陣就會走。」雖然我啱先都有估計佢可能話會走，但親耳聽到真係有啲啲嚇親。
-
「不過你放心，我兩個月後先會走。其實今次返嚟係想搵返你，想你知道我仲鍾意你，雖然隔咗十四年冇見，我真係好鍾意好鍾意你。即使我可以用電話聯絡你，透過網絡表達我嘅愛意，但我真係好想喺你面前表達我嘅感受。我唔知你會唔會接受我。」阿嘈一路講，一路流眼淚，我亦都聽到眼濕濕，估唔到最後大家都係兜咗個大圈先重逢。
-
「你想唔想知我內心對你嘅感受？」我都唔再掩飾我對佢嘅睇法。
-
（待續 To be continued）
-
（1949字）
發佈日期：2021/09/26
「講埋下次幾時喇！費事你又突然要返去英國啊！」話晒阿嘈到咗香港冇耐，但我都唔知佢幾時返返去英國。去到最後失去咗先學識珍惜就唔好啦！
-
我同大家講，今次同阿嘈嘅相遇我唔會再放手㗎喇！即使要我拋棄所有嘢，我都願意。
-
「就聽晚接你收工，直接去食晚飯。」爽快嘅阿嘈同以前一樣，今日嘅活動都未完就約下次。
-
［分分鐘都渴望與他相見，在路上碰著亦樂上幾天，輕快的感覺飄上面。］初戀啊！我要初戀啊！
-
「你返到嚟香港冇約朋友咩？」雖然我唔知佢仲有冇同以前嘅中學同學聯絡，始終我印象佢以前喺學校都有好多朋友，但隔咗咁多年真係唔知有冇再聯絡喇！
-
「有啊！嗰個咪係你囉！」細問之下，原來阿嘈都漸漸冇同以前嘅中學同學聯絡，甚至連返嚟香港都冇通知任何同學，包括我在內。
-
「咁你冇諗住約返佢哋食飯咩？」雖然我都好少見班同學，但間唔中都會約出嚟食飯，聚一聚舊。
-
「都有諗住啊！但我咁多年冇見佢哋，都唔知講咩好，我驚尷尬啊！」阿嘈都啱嘅，咁耐冇見個氣氛真係會有啲尷。
-
「唔緊要喎，有我呢個稱職男朋友喺度呀嘛。」哎吔，口快快講咗自己啲心底話㖭。
-
「邊個話你係我嘅男朋友啊！」阿嘈塊臉紅過關公，睇嚟仲對我有意思啩，我諗。
-
「其實認真嗰句，我哋以前都冇話分手。」嗱！如果有睇開嘅都知，我哋以前真係冇講到分手，係大家越嚟越忙碌先靜靜分開。
-
「咁我哋拍拖嘅時候你又搵第二個。」又被阿嘈突破盲腸，雖然我哋冇正式講分手，但名義上我哋都算分手，始終當時大家都冇心再維持呢段關係。
-
「不過唔緊要嘅，你之後啲女仔都追唔到，都唔計嘅。」阿嘈即刻補返呢句，驚我唔開心。
-
阿嘈之後嘅女仔，都冇一個係成功一齊嘅，但咁樣又算唔算一腳踏兩船呢？另一邊喺英國嘅阿嘈，斷斷續續都有同幾個男仔拍拖，咁又點計先？所以女人真係係雙重標準，寬己嚴人。
-
「大家都有大家嘅過去，而家開始專一就得啦！」同大家講清楚先，我真係唔係賤男，亦都唔係網絡詞語所稱嘅「狗公」，而我呢刻真係仲愛阿嘈。
-
你唔好問隔咗咁多年唔見又點會再鍾意，中間又隔咗一段時間，又對其他人產生愛意，究竟係咪想呃阿嘈。
-
我話俾你聽一定唔係，如果我要呃嘅，一早呃咗啦！其實我不溜都有佢嘅聯絡方式，何必要佢舟車勞頓去掘返我出嚟呢？
-
初戀嘅回憶永遠都係最難磨滅，亦都係最值得回味。我到呢刻終於都明白箇中美妙，之後嘅好多任都會以前度作為標準，例如行為性格要相似，個人三觀要接近，當然個樣都要有返咁上下靚。
-
不過呢啲都係第一次拍拖都想要嘅要求，永遠都想搵一個識合自己條件嘅另一半，但隨著拍拖次數越多，對另一半嘅要求都越嚟越低，甚至同當初嘅條件背道而馳。老老實實，你要有咁多嘅要求，但自己嘅質素當然都要有返咁上下先得啦，唔係人哋都唔show你啦，「癩蛤蟆想食天鵝肉」，個個都想，但冇人可以，世上到底真係咁樣食到啊！我相信唔係好多，除非隻癩蛤蟆真係好有才華或者好有錢啦！
-
然而我嘅初戀又好，又啱自己嘅條件，唔通又放手咩？我就唔會蠢到唔要喇！
------
「你以前啲男朋友又點計呢？」十萬個激嬲女朋友嘅理由，呢個應該係第一個理由。
-
「你會唔會呷醋㗎？」雖然聽到阿嘈同前度嘅經歷難免會有丁點傷心，但我都係有啲想知。
-
「唔會，每個人都會有過去，知道咪算囉！」你話介意就真係唔太介意，佢都肯講自己嘅過去，我嬲或者呷醋又為何呢？
-
「去到海濱吹住海風再同你講。」又喺度吊我胃口，好彩過條馬路就到文化中心，換言之過咗對面就係海濱。
-
自從阿嘈離開咗香港之後，我亦都好耐冇踏足過尖沙嘴海濱，原來星光大道自從改建之後都冇再入去，海濱多咗好多新位望海，望住燈光璀璨嘅景色，真係好賞心悅目。
-
個人認為夜景好睇過日景，雖然而家唔係聖誕節，但談心永遠都係夜晚最好睇、最舒服。
-
「好靚，真係好靚。」我望住個海不禁嘆息。
-
「我不溜都咁靚，唔使咁讚我。」阿嘈沾沾自喜，但我實則上讚嘆嘅係海景耀目嘅景色。
-
「冇人讚你啊！慳啲啦！」真心唔真心就好主觀嘅，當然我就唔話俾你知。
-
「文杰啊！講我以前啲嘢之前，我有個秘密想同你講，不過你要應承我，你聽完之後唔好嬲我。」突然又有咩秘密要同我分享呢？有啲期待㖭。
-
「放心啦，難得見返你，我點都唔會嬲。」即使佢同我講而家要走，我都唔會嬲，因為我已經唔再係以前年少無知嘅少年。
-
「應承我？」阿嘈對我嘅承諾半信半疑。
-
「應承你！」不過我會用我嘅行動證明我嘅諾言。
-
「其實我今次返嚟香港一陣就會走。」雖然我啱先都有估計佢可能話會走，但親耳聽到真係有啲啲嚇親。
-
「不過你放心，我兩個月後先會走。其實今次返嚟係想搵返你，想你知道我仲鍾意你，雖然隔咗十四年冇見，我真係好鍾意好鍾意你。即使我可以用電話聯絡你，透過網絡表達我嘅愛意，但我真係好想喺你面前表達我嘅感受。我唔知你會唔會接受我。」阿嘈一路講，一路流眼淚，我亦都聽到眼濕濕，估唔到最後大家都係兜咗個大圈先重逢。
-
「你想唔想知我內心對你嘅感受？」我都唔再掩飾我對佢嘅睇法。
-
（待續 To be continued）
-
（1949字）
發佈日期：2021/09/26
