黑暗中的對話後感
啱啱去完黑暗中對話,真係令我好感觸。喺活動嘅1個鐘入面,完全伸手不見五指。過程中會有視障人士做導賞員。導賞員好詳細咁講解你身處嘅位置有啲乜。你會用你嘅觸角同埋聽覺嚟感受你身邊嘅嘢,例如公園、街市等等。中間仲有時間同導賞員傾偈。
-
平時行路行得多,真係「匿埋眼都行到」。估唔到今次真係匿埋眼行係要人帶領著行。呢一個鐘頭入面,雙眼可以報廢,而支盲人仗同對腳可以話係你隻眼。你會喺入面摸到唔同嘅嘢,包括花、草、唔同嘅乾貨。你雙腳都會感覺到唔同質地嘅地,有草地、石春地、馬路、同埋行人路之類。
-
呢個活動真係好值得大家去,體驗一下視障人士嘅生活。
-
(265字)
發佈日期:2020/02/02